Олон Улсын Солилцооны төвийн Латви улсын Рига дахь толгой байгууллагын захирал буюу манай төвийн үүсгэн байгуулагч Эдуард Геллерийн ОУСТ-ийн 20 жилийн ойд тохиолдуулан бичсэн захиаг та бүхэнд хүргэж байна.
Эрхэм найз нар аа !
2009 оны 11 дүгээр сарын 21-ний өдөр ихэнх хүмүүст хуанлийн жирийн л нэг өдөр мэт санагдаж байж мэднэ. Гэхдээ Олон улсын солилцооны төв/ОУСТ/-ийн 20 жилийн ой тохиосон энэ өдөр миний хувьд бүхэл бүтэн амьдрал мэт санагдаж байна.
“Хачирхалтай байгууллага” гэж миний нэрлэсэн уг байгууллагын хувь заяа өнгөрсөн 20 жилийн хугацаанд дээсэн дөрөөн дээр явж ирсэн үе бий. 1991 оны өөрчлөн байгуулалтын үед гадаад паспортыг Гадаад хэргийн яам, Иргэний виз бүртгэлийн газраар дамжин “тамгалдаг”, хүндрэл ихээхэн гардаг байлаа. Зуны хөтөлбөрийн 300 оролцогчдоос 200 нь нисэхээс хоёрхон хоног дутуу байхад гадаад паспортоо авч амжаагүй байсан тохиолдлыг би сайн санаж байна. Нэг өдрөөр ч хоцорч болохгүй байлаа. Яг үнэндээ бүх зүйл нурж, унаж байсан тэр үед ЗХУ-ын Гадаад хэргийн яамны Консулын хэлтсийн дарга “Энэ чинь буянтай үйлс байна” хэмээн хэлж, хэн нэгэн руу хуруугаараа “дохисон”-оор бүх зүйл нааштайгаар эргэсэн. Тэрхүү “дохилт”-ын ачаар 200 оролцогчийн гадаад паспорт маргааш өдөр нь гэхэд бэлэн болж, бүх оролцогчид маань Америк нисч чадсан юм.
Дэлгэрэнгүй...
